Истеҳсоли тилло афзуд

Душанбе, 26.07.2014. (АМИТ «Ховар», Мавҷуда Анварӣ). — Шавқат Бобозода вазири саноат ва технологияҳои нави Тоҷикистон ният дорад, ки соли равон истеҳсоли тиллоро дар кишвар то ба 3 тонна расонад. Ш. Бобозода рӯзи 24-уми июл зимни нишасти матбуотӣ ба хабарнигорон иттилоъ дод, ки тайи шаш моҳи аввали соли равон дар Тоҷикистон 1 тоннаву 141 килограмм тилло истеҳсол шудааст ва изҳори боварӣ намуд, ки то охири соли равон ин нишондод ба 3 тонна расонда хоҳад шуд. Истеҳсоли тилло дар шаш моҳи аввали соли равон нисбат ба ҳамин давраи соли гузашта 57,6 килограмм зиёд шуда, 105,3%-и нақшаро ташкил додааст.