Кӯлоб: Имтиҳони қабул тариқи тестӣ

Июль 8, 2014 09:20

Кӯлоб, 8.07.2014. (АМИТ «Ховар», Сулаймон Холов).- Дар шаҳри Кӯлоб аз субҳи барвақт дар назди марказҳои милии тестӣ довталабон барои супоридани имтиҳони қабул ба мактабҳои олии Ҷумҳурии Тоҷикистон ҷамъ омаданд. Барои супоридани имтиҳон бо низоми нав дар шаҳри Кӯлоб ҳама шароитҳо муҳайё карда шудааст. Ба қавли Пирмурод Сабуров мудири маорифи ш.Кулоб қабл аз оғози имтиҳон роҳбарияти шаҳр ва намояндагони вазорати маориф ва илми Ҷумҳурии Тоҷикистон ҳамаи довталабонро табрик гуфта ба онҳо дар супоридани имтиҳон муваффақият таманно намуданд. Тибқи низомнома ҳар як довталаб бо ҳуҷҷатҳои расмӣ вориди бино гардида барои супоридани имтиҳон ба синфхонаҳо гузаронида мешаванд. Довталабон қаблан бо низоми нави имтиҳонсупорӣ шинос гадидаанд ва ин усулро хуб қабул доранд. Низоми нави имтиҳони қабул ба макотиби олии Ҷумҳурии Тоҷикистонро волидайни довталабон хеле хуш пазируфтанд, зеро ба гуфти онҳо солҳои қаблӣ фақат дар рафтуомади фарзандонашон ҳангоми супоридани имтиҳон маблағи калон масраф мекарданд. Мавриди зикр аст, ки синфхонаҳои мактабҳое, ки дар он имтиҳонҳои марказонидашуда баргузор мешавад камераҳои назоратӣ насб шудааст ва дилгоҳ ҳаракати имтиҳонгирандаву довталабонро волидайн метавонанд тарики телевизорҳо назорат намоянд ва аз рафти имтиҳонсупории фарзандони худ огаҳ бошанд. Аз ин рӯ шаффофият таъмин карда шудааст. Ба гуфти масъулон аз санаи 1-ум то 5-ум довталабони ҳамаи 5 кластерҳо имтиҳони аввал месупоранд ва баъдан аз 7-ум то 11-уми июл барои довталабон имтиҳонҳои ихтисосӣ муайян шудааст.

Июль 8, 2014 09:20

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд