Китобдори сол

Душанбе, 11.07.2014 (АМИТ “Ховар”, Фарзонаи Давлат).- Китобхонаи давлатии патентию техникии Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон бахшида ба «Рўзи китоб», ки 4-уми сентябри соли ҷорӣ дар назар аст, Озмуни умумиҷумҳуриявии «Китобдор, китобхона ва китобхонаи шахсии сол»дар қаламрави кишварро баргузор менамояд.Бино ба иттилои Кумитаи тадорукот озмуни мазкур, ки тибқи муқарароти Низомномаи озмун санаи 30 июни соли 2014 мўҳлати қабули аризаҳо ҷиҳати иштирок дар Озмун ба охир расид, ба унвонии Кумитаи тадорукоти озмун 41 ариза ҷиҳати иштирок дар озмун аз рўи номинатсияи «Китобхонаи сол», 44 ариза аз рўи номинатсияи «Китобдори сол» ва 3 ариза аз рўи номинатсияи «Китобхонаи шахсии сол» бақайд гирифта шудааст. Аз рўи номинатсияи «Китобхонаи сол» 2 китобхонаи сатҳи ҷумҳуриявӣ, 4 китобхонаи оммавии вилоятӣ, 1 китобхонаи бачагонаи вилоятӣ, 4 китобхонаи донишгоҳӣ, 7 китобхонаи шаҳрӣ ва 23 китобхонаи ноҳиявӣ бақайд гирифта шуданд. Гуфта мешавад, ки мўҳлати охири қабули ҳуҷҷатҳои иштирокчиёни бакайдгирифташудаи озмун то 15 августи соли 2014 муқарар карда шудааст.Иштирокчиёни озмун ба воситаи овози гирифташуда тариқи паёмакҳо, инчунин аз рўи ҳуҷҷатҳои пешниҳодгардида баҳогузорӣ карда мешаванд. Натиҷаи озмун дар «Рўзи китоб», 4 сентябр, дар шаҳри Душанбе дар семинари ҷумҳуриявии соҳаи китобдорӣ эълон карда мешавад.