Комёбии хонандагони тоҷик дар ҶАҶ

Душанбе, 15.07.2014. (АМИТ «Ховар», Зарангези Латиф).- Аз санаи 3-ю то 13-уми июли соли равон дар шаҳри Кeйптауни Ҷумҳурии Африкои Ҷанубӣ олимпиадаи байналхалқӣ аз фанни математика баргузор гардид. Дар ин олимпиада 4 нафар хонанда аз литсей‑интернати муштараки тоҷикӣ‑туркии ба номи Ҳоҷӣ Камол ва 2 нафар хонанда аз гимназия-интернати Тоҷикистон-Россия ‘’Ҳотам ва ПВ’’-и шаҳри Душанбе дар қатори хонандагони 101 давлати дунё иштирок карданд.Аз рӯи ҷамъбасти олимпиадаи мазкур хонандагони тоҷик сазовори 2 медали нуқра гардидандТибқи иттилои хадамоти матбуоти вазорати маориф ва илми ҷумҳурӣ медалҳои нуқраро хонандагони литсей‑интернати муштараки тоҷикӣ‑туркии ба номи Ҳоҷӣ Камоли шаҳри Душанбе Фаррух Каримов ва Рустами Убайдулло ба даст оварданд.