Кумаки тиббии ДДТТ ба ниёзмандон

Душанбе, 25.07.2014 (АМИТ “Ховар” Ситораи Боимурод). Дар шашмоҳи аввали соли равон аз тарафи ҳайати омӯзгорону профессорони Донишгоҳи далатии тиббии Тоҷикистон ба беш аз 31 ҳазор 658 беморон кумаки табобатию машваратӣ расонида шудааст,ки 7786-тои он дар кафедраҳои соҳаи ҷарроҳӣ тариқи амалиёти гуногунҳаҷм иҷро шудааст. Дар ин бора ректори ДДТТ Убайдулло Қурбонов зимни нишасти хабарӣ бо хабарнигорон иттилоъ дод.Бино ба иттилои мавсуф, ҳамчунин аз ҷониби устодони донишгоҳ тариқи авиатсияи санитарӣ ба беш аз 60 нафар дар шаҳру ноҳияҳои гуногуни ҷумҳурӣ кумаки машваратӣ расонида шудааст.Дар ин давра Маркази ташхисию табобатии донишгоҳ ба 7974 ниёзманд, дар Маркази таълимию клиникии “Стоматология”-и донишгоҳ ба 793 нафар бемор кумаки ташхисию табобатӣ расонидааст, гуфт Убайдулло Қурбонов, ректори ДДТТ ба хабарнигорон.