Мактаби нав ба хонандагони Б. Ғафуров дар соли хониш

Душанбе, 23.07.2014.(АМИТ «Ховар», Мавҷуда Анварӣ).-Сохтмони бинои нави мактаби таҳсилоти миёнаи умумии №24 — и Ҷамоати деҳоти Ҳайдар Усмони ноҳияи Бобоҷон Ғафуров идома дорад.Дар ин бора директори мактаби мазкур Раъно Ҳасанова иттилоъ дода афзуд, ки корҳои сохтмонии бинои нави таълимӣ моҳи феврали соли ҷорӣ оғоз гардида буд. Бино аз ду ошёна ва толори варзишӣ иборат мебошад. Арзиши лоиҳавии ин бино беш аз 4 миллион сомониро ташкил медиҳад. Бинои қаблии мактаб солҳои бистуми асри гузашта бунёд гардида, он дар ҳолати садамавӣ қарор дошт.Тибқи иттилои масъулини ширкати сохтмонии ҶДММ «Евростройсервис», ки корҳои сохтмониро бар ӯҳда доранд, сохтмони бинои нав дар моҳи август ба поён мерасад.