«Марворид» тарҷумаи бадеии асарҳои адибони кишварҳои олам

Душанбе, 23.07.2014. (АМИТ «Ховар»,Фарзона Достонзаде).- Дар нашриёти «Истеъдод» бо номи «Марворид» тарҷумаи бадеии як силсила асарҳои адибони баргузидаи соири кишварҳои олам — Англия, Русия, Қазоқистон, Франсия, Белорус, Хитой, Туркманистон, Туркия бо сифати баланд интишор ёфт. Тавре, ки ба АМИТ «Ховар» аз Вазорати фарҳанги кишвар иттилоъ доданд, мутарҷими шинохта, доктори фахрии фалсафа дар соҳаи адабиёт, академики Академияи мусаввирии Тоҷикистон Абдуғаффор Абдуҷаббор ба хотири пайванди дилҳо кӯшидааст, ки тавассути забони дилангези тоҷикӣ бадеият ва рӯҳи аслии романи машҳури нависандаи классики ҷаҳон Соммерсет Моэм «Моҳ ва фулус», повести нодири Валентин Распутин «Дарсҳои франсузӣ», нӯҳ ҳикояҳои ҷолиб, инчунин драмаҳои Мар Бояҷиев «Мо — мардҳо», Тунҷер Ҷуҷеноғлу «Тарма», Дулат Исобеков «Ҳунарпеша», Албер Камю «Иштибоҳ», Алексей Дударев «Маро тарк макун» ва андарзҳо — «Ҳикмати ҳазорсолаи башарият»-ро ифода намояд.