Медали нуқраи хонандаи тоҷик дар Индонезия
Душанбе, 15.07.2014. (АМИТ «Ховар», Зарангези Латиф).- Аз 5-ум то 15-уми июли соли ҷорӣ дар шаҳри Балии Ҷумҳурии Индонезия олимпиадаи байналхалқӣ баргузор гардид. Тавре, ки аз дафтари матбуоти вазорати маориф ва илми кишвар хабар доданд, дар олимпиадаи мазкур 4 нафар хонанда аз литсей‑интернати муштараки тоҷикӣ‑туркии Ҳоҷӣ Камоли шаҳри Душанбе дар қатори 240 нафар хонандаи 61 давлати дунё иштирок карданд.Аз рўи ҷамъбасти олимпиадаи мазкур хонандаи литсей‑интернати муштараки тоҷикӣ‑туркии Ҳоҷӣ Камоли шаҳри Душанбе Саидмуродов Фирдавс соҳиби медали нуқра гашта, Парчами Ҷумҳурии Тоҷикистонро дар арсаи байналмилалӣ баланд бардошт.