Медали нуқраи муҳасилини тоҷик дар Сербия

Душанбе, 4.07.2014. (АМИТ «Ховар», Мавҷуда Анварӣ). -Ҳафтаи гузашта дар пойтахти Сербия -шаҳри Белград Олимпиадаи 8-уми мактабиён аз фанни информатика баргузор шуд. Дар озмун аз 8 кишвар 38 нафар хонанда ширкат варзиданд. Тоҷикистонро дар ин олимпиада муҳассилини литсей-интернатҳои муштараки тоҷикӣ-туркии Ҳоҷӣ Камоли шаҳри Душанбе иборат аз панҷ нафар намояндагӣ карданд.Олимпиада аз ду даври корҳои амалӣ иборат буд. Солеҳҷон Рӯзибоев ва Нодир Даминов маҳорати баланд нишон дода, ба гирифтани медали нуқра ноил шуданд. Ин нахустин медалҳои хонандагони тоҷик дар Олимпиадаи наврасони Балкан аз фанни информатика мебошад. Ҷойи аввалро муҳасилини макотиби Руминия ва Булғористон ба даст оварданд.