Муҳокимаи фаъолияти раёсатҳои АНМН

Душанбе, 11.07.2014. (АМИТ «Ховар», Мавҷуда Анварӣ). -Дар Агентии назорати маводи нашъаовар таҳти роҳбарии директори ин ниҳод Рустам Назарзода ҷаласаи ҳайати роҳбарикунанда аз рӯи натиҷаи фаъолияти фаврӣ-хизматӣ дар нимсолаи аввали соли ҷорӣ 10 июл баргузор гардид.Дар ҷаласа натиҷаи фаъолияти раёсатҳои агентӣ дар вилоятҳо муҳокима гардида, ҳисоботҳои ҷузъу томҳои фаврӣ дар шаҳри Душанбе, фаъолият дар самти мубориза бар зидди гуруҳҳои муташаккили ҷиноятпеша шунида шуданд. Инчунин нақшаи чорабиниҳо барои нимсолаи дуюм баррасӣ гардид.Баромадкунандагон як қатор норасоиҳоро дар соҳаи ташкили фаъолияти фаврӣ-ҷустуҷӯӣ, пешгирии қочоқи маводи нашъаовар, ки ба вилоятҳо тавассути сарҳади Тоҷикистону Афғонистон интиқол мешавад, инчунин масъалаҳои ошкор ва қатъ намудани фаъолияти гуруҳҳои муташаккили ҷиноятпеша, ки робитаҳои байниминтақавӣ ва байнидавлатӣ доранд, зикр намуданд.Ҳамзамон дар ҷаласа масъалаҳои пешгирии нашъамандӣ дар ноҳияҳои наздисарҳадии Бадахшон, аз ҷумла дар Ишкошим ва Мурғоб муҳокима шуданд.