Муаррифии имкониятҳои сармоягузории Тоҷикистон

Июль 7, 2014 09:43

Душанбе, 7.07.2014.(АМИТ «Ховар», Мавҷуда Анварӣ).- Ҳайати ҶТ бо раҳбарии вазири корҳои хориҷӣ Сироҷидин Аслов бо намояндагони доираҳои тиҷоратию иқтисодии Шоҳигарии Муттаҳидаи Британияи Кабир ва Ирландияи Шимолӣ ҳафтаи гузашта дар шаҳри Лондон мулоқот намуд. Дар вохӯрӣ намояндагони Департаменти тиҷорат ва сармоягузориҳои Британияи Кабир, Гурӯҳи CATBIG Бритиш Экспертиз, ширкатҳои саёҳатӣ ва дигар созмону доираҳои иқтисодие, ки ба тақвияти ҳамкориҳо бо кишварҳои Осиёи Марказӣ ҳавасманд мебошанд, ҳузур доштанд.Дар сухани худ вазири корҳои хориҷӣ зарурати такони тоза бахшидан ба ҳамкории иқтисодии ду кишвар ва муайян намудани имкониятҳо ва самтҳои мутақобилан судмандро барои фаъолияти доираҳои соҳибкории Британияи Кабир дар Тоҷикистон таъкид дошт.Муовини раиси Кумитаи давлатии сармоягузорӣ ва идораи амволи давлатии ҶТ Нигина Абдуллоева имкониятҳои сармоягузориро дар Тоҷикистон муаррифӣ намуда, доираҳои сармоягузорӣ, тиҷоратӣ ва иқтисодии Британияи Кабирро барои ҳамкории бештар даъват кард.Дар рафти вохӯрӣ ба саволҳои ҳозирин роҷеъ ба рушди соҳаҳои нақлиёт, коммуникатсия, энергетика ва кишоварзии Тоҷикистон ва инчунин дурнамои татбиқи лоиҳаҳои минтақавӣ посух дода шуд. Ҳамчунин оид ба ҳолат ва имкониятҳои тавсеаи робитаҳои доираҳои тиҷоратии ду кишвар табодули назари судманд сурат гирифт.

Июль 7, 2014 09:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд