Мулоқоти Аҳтам Абдуллозода бо Мир Саидов
Душанбе, 2.07.2014. (АМИТ «Ховар», Зарангези Латиф).-Дирўз дар шаҳри Душанбе раиси Кумитаи ҷавонон, варзиш ва сайёҳӣ Абдуллозода Аҳтам Рустам бо раҳбари Маркази русӣ-тоҷикии рушди сиёсати ҷавонон ва муносибатҳои байни миллатҳо «Ватан»-и шаҳри Иркутски Федератсияи Русия Мир Саидов мулоқот намуд. Аз дафтари матбуоти Кумитаи ҷавонон, варзиш ва сайёҳӣ хабар доданд, ки дар мулоқот масоили рушду густариши муносибатҳои дуҷониба, шароити зист ва кору фаъолияти ҷавонони минтақа ва дигар масоили вобаста ба мавзуъ матраҳ шуд.