Мулоқоти Эмомалӣ Раҳмон бо Эвелин Видмер-Шлюмпф
Душанбе, 08.07.2014 (НИАТ «Ховар»).- Имрӯз Президенти кишвар Эмомалӣ Раҳмон Роҳбари Департаменти федералии молияи Швейтсария хонум Эвелин Видмер-Шлюмпфро ба ҳузур пазируфт.Дар мулоқот масоили ҳамкории гуногунҷанбаи Тоҷикистону Швейтсария баррасӣ шуд.Таваҷҷуҳи асосӣ ба ҳамкории иқтисодию тиҷоратӣ ва молиявию сармоягузорӣ зоҳир гардид.Сарвари давлат Эмомалӣ Раҳмон аз ҳамкориву ҳамшарикии Тоҷикистону Швейтсария изҳори қаноатмандӣ карда, таъкид дошт: “Мо Швейтсарияро яке аз шарикони муҳими худ дар қитъаи Аврупо медонем ва ба густариши робитаҳо бо он таваҷҷуҳи хос дорем”.Қаноатмандӣ, аз ҷумла аз ҳамкории ду кишвар дар муассисаҳои молиявии байналмилалӣ ва Созмони ҷаҳонии савдо ва ҳамчунин аз машваратҳои сиёсии дуҷониба, ки аз соли 2009 ба ин сӯй ҳар сол ба роҳ монда мешавад, изҳор гардид.Тавре зикр гардид, бо дастгирии молиявии Швейтсария тайи солҳои зиёд дар Тоҷикистон лоиҳаҳои сершумор амалӣ шудаанд, ки ба гузаронидани ислоҳот дар соҳаҳои идоракунии давлатӣ, бахши хусусӣ ва макроиқтисодиёт, инфрасохтор, энергетика, тандурустӣ, таъминоти об, муҳоҷирати корӣ ва паст кардани хатари офатҳои табиӣ равона гардидаанд. Ҳоло 10 лоиҳаи дигар ба маблағи 67 миллион доллари амрикоӣ татбиқ мегардад ва ояндаи наздик афзоиши шумораи чунин лоиҳаҳо ва ҳаҷми сармоягузорӣ дар назар аст.Швейтсария ҳамчунин “шарики муҳими тиҷоратии Тоҷикистон” номида шуд, зеро гардиши савдои дуҷониба дар панҷ моҳи соли равон 141 миллион доллари амрикоиро ташкил дод, ки дар муқоиса ба ҳамин давраи соли 2013 4,3 маротиба ва нисбат ба тамоми соли 2013 1,7 маротиба зиёд аст.Гуфтугӯйи судманд, ҳамчунин доир ба ҷалби сармояи мустақим ба соҳаҳои бунёдии иқтисоди Тоҷикистон аз Швейтсария ва дигар кишварҳои Аврупо ва ҷаҳон ва оид ба дигар масоили мавриди таваҷҷуҳ сурат гирифт.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






