Мулоқоти М.Ҷабборӣ бо фаъолзанони Ҳисор

Душанбе, 24.07.2014 (АМИТ “Ховар”, Фарзонаи Давлат).-Дирўз зимни сафари корӣ Марҳабо Ҷабборӣ, муовини Сарвазири Ҷумҳурии Тоҷикистон ба ноҳияи Ҳисор рафта бо фаъолзанони ноҳияи мазкур мулоқот намуд.Дар мулоқот масъалаҳои нақши занон дар рушди кишвар, татбиқи қонунҳо «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳо дар Тоҷикистон», бартарафсозии мушкилоту камбудиҳои ҷойдошта, доир ба паст кардани тамоюли зуҳуроти номатлуб, зўроварӣ дар оила ва дигар масъалаҳои мубрами рўз баррасӣ гардид. Зимни вохўрӣ фикру мулоҳизаҳои иштирокчиён шунида шуда, роҷеъ ба ҳалли мушкилоти имрўзаи ҷомеа таклифҳо пешниҳод гардид. Доир ба ҷоннок намудани корҳо ва андешидани тадбирҳои иловагӣ ҷиҳати дар сатҳи зарурӣ ва сазовор истиқбол намудани ҷашни 3000 солагии Ҳисор ба масъулин дастуру супоришҳои дахлдор дода шуд.