Мусобиқаи футбол байни наврасон

Душанбе , 8.07.2014. (АМИТ «Ховар», Меҳрони Қурбон) — моҳи августи соли равон дар шаҳри Душанбе мусобиқоти байналмилалии футбол миёни наврасони соли таваллуди 1997-1998 барои дарёфти Ҷоми Созмони ҳамкориҳои Шанхай баргузор мешавад. Бояд зикр кард, ки Анваршо Мирзоев, раҳбари шӯъбаи футболи кӯдакон ва наврасони Федератсияи футболи Тоҷикистон гуфтааст, ин мусобиқа аз 18 то 22 август дар варзишгоҳи марказии ҷумҳуриявии пойтахти кишвар доир мегардад. Дар ин мусобиқа дастаҳои наврасони Тоҷикистон, Русия, Чин, Қазоқистон, Қирғизистон ва Узбакистон иштирок мекунанд.Ёдовар мешавем, ки дастаҳо ба ду гуруҳ ҷудо шуда, бо ҳам қувваозмоӣ мекунанд. Аз ҳар гурӯҳ ду дастаӣ ба даври баъдӣ роҳхат мегиранд.