Мусодираи беш аз 20 кг героин аз дохили «Mersedes-Bens»
Душанбе, 18.07.2014. (АМИТ «Ховар», Муқаддас Темурзода).- Зимни гузаронидани як амалиёти махсус дар шимоли кишвар миқдори калони маводи мухаддири сахттаъсири героин ошкор гардид.Тавре ки ВКД ҶТ хабар медиҳад, аз ҷониби кормандони милитсия дар ҳудуди маҳаллаи Бофандаи шаҳри Хуҷанд ронандаи автомашинаи тамғаи “Mersedes-Bens”, сокини 33-солаи ноҳияи Рӯдакӣ Умед Сатторов боздошт гардид. Ҳангоми азназаргузаронии автомашинаи мазкур 20 кг 799 грамм маводи нашъадори навъи героин дарёфт ва мусодира карда шуд. Аз рӯи ин ҳодиса парвандаи ҷиноӣ оғоз гардида, тафтиш идома дорад.