На ҳамаи «муллоҳои шаҳватпараст» имом-хатибанд

Душанбе, 8.07.2014.(АМИТ «Ховар», Мавҷуда Анварӣ).- Солеҳҷон Завқиев сардори раёсати иттиҳодияҳои динии Кумитаи дин дар нишасти матбуотӣ гуфт, ки он шахсоне ки миёни мардум худро ҳамчун «мулло» муаррифӣ менамоянд, на ҳамаи онҳо имом ва ё имом-хатиби масҷидҳои кишварамон ҳастанд. Ин зумра ашхос бо амалҳои шаҳвонии худ ҳамаи моро ба ташвиш овардаанд. Дар робита ба ин мавсуф афзуд, ки бо тамоми имом-хатибони масҷидҳои вилоятҳои Хатлону Суғд, шаҳри Душанбе ва ноҳияҳои тобеи ҷумҳурӣ мулоқот гузаронда шуда, ба имомон фаҳмонида шуд, ки дар ин бора дар доираи ахлоқ ва муқаррароти дини мубини Ислом ба намозгузорони хеш таъкид кунанд, то онҳо ба хонаводаашон бирасонанд.Масъули Кумитаи дин илова кард, ки тафтишоти ин қазия бар дӯши мо нест ва барои ҳамин дар ин бора иттилои кофӣ надорад.