Нашри «Перомуни Рӯдакӣ ва рӯдакишиносон»

Душанбе, 1.07.2014. (АМИТ «Ховар», Мавҷуда Анварӣ). — Китоби нави адабиётшиноси тоҷик Мирзо Муллоаҳмадовро нашриёти «Илм ва фарҳанги Эрон» таҳти унвони «Перомуни Рӯдакӣ ва рӯдакишиносон» бо теъдоди 2000 нусха ба табъ расонд. Китоб аз ду қисм иборат буда, қисми нахуст шинохти осор ва қисми дуюм саҳми С. Айнӣ, С. Нафисӣ, М. Баҳор, Б. Фурӯзонфар, Е. Бертелс, А. Мухторов — муҳаққиқони осору зиндагии устод Рӯдакиро дар бар мегирад. Ёдовар мешавем, ки «Перомуни Рӯдакӣ ва рӯдакишиносон» даҳумин китоби М. Муллоаҳмадов аст, ки дар Эрон интишор шудааст.