Нашри “Сармаддеҳ” бо забони русӣ

Душанбе, 3.07.2014. (АМИТ «Ховар», Мавҷуда Анварӣ). — Интишороти “Китобхонаи Олжас”-и шаҳри Алмаатои Қазоқистон маҷмӯаи ҳикояҳои нависандаи маъруфи тоҷик Баҳманёрро бо забони русӣ таҳти унвони “Жили-были в Сармадеххе” ба табъ расонд. Ба китоб нависандаи шинохта Темур Зулфиқоров сарсухан навиштаву аз Баҳманёр ба унвони адиби ширинбаён ёд кардааст. Дар китоб ҳикояҳои солҳои охир навиштаи адиб гирдоварӣ шудаанд. Ҳикояҳои “Жили-были в Сармадеххе” аз ҷониби Хуршедаи Даврондухт ба забони русӣ тарҷума шуда, муҳаррири масъул ва тартибдиҳандаи он доктори улуми филологӣ Сафар Абдулло мебошад.