Натиҷаи ҷамъбасти шашмоҳаи вазорати кишоварзӣ

Душанбе, 15.07.2014. (АМИТ «Ховар», Зарангези Латиф).- Дирӯз дар вазорати кишоварзии Ҷумҳурии Тоҷикистон маҷлиси ҳайати мушовараи вазорат бо иштироки муовини сарвазири Ҷумҳурии Тоҷикистон Муродалӣ Алимардон, вазири рушди иқтисод ва савдои Ҷумҳурии Тоҷикистон Шариф Раҳимзод, муовинони раисони ҳукуматҳо ва сардорони раёсатҳои кишоварзии вилоятҳо ва шаҳру ноҳияҳо, роҳбарону мутахассисони раёсату шуъбаҳои дастгоҳи марказии вазорат ва зерсохторҳои тобеи вазорат, инчунин намояндагони вазорату идораҳои дахлдори соҳаи кишоварзии Ҷумҳурии Тоҷикистон доир гардид.Дар кори ҷаласа масъалаҳои «Дар бораи ҷамъбасти натиҷаҳои фаъолияти вазорати кишоварзӣ дар 6-моҳаи якуми соли ҷорӣ ва вазифаҳои минбаъдаи кормандони соҳа», «Рафти иҷрои «Барномаи мубориза бар зидди малах дар Ҷумҳурии Тоҷикистон барои солҳои 2011-2015» мавриди баррасӣ қарор дода шуд.