Нигаронӣ аз обшавии зиёди пиряхҳои Тоҷикистон

Душанбе, 15.07.2014. (АМИТ «Ховар», Манижа Баҳромзода).- Пиряхҳои Ҷумҳурии Тоҷикистон нисбат ба мушоҳидаҳои 70 соли охир аз 25 то 30% ҳаҷми худро кам кардаанд-гуфт Маҳмад Сафаров,раиси Муассисаи давлатии обуҳавошиносӣ зимни шишасти хабарӣ. Ба гуфтаи Сафаров агар мувофиқи маълумоти оморӣ шумораи пиряхҳои Тоҷикистон чанд сол қабл 14000-ро ташкил медоданд пас ҳоло аз ин миқдор танҳо 1000 пирях боқӣ мондааст. Аз ҳама ҳолати хатаровар барои камшавии оби дарёҳои ҷумҳурӣ ин аз даст додани пиряхҳои кишварҳои ҳамсоя,аз ҷумла Афғонистон мебошад,ки дар он низ 75%-и пиряхҳо кам шудаанд,иброз дошт Маҳмад Сафаров. Ба иттилои манбаъ бо тағйирёбии иқлим ва гарм шудани ҳарорат чангу ғуборе,ки дар таркиби худ намак дорад ба рӯйи пиряхҳо пош хӯдра, дар натиҷа ба обшавии пиряхҳои кишвар боис гардидааст.Ҷаноби Сафаров дар робита гуфт мувофиқи мушоҳидаҳои гузаронидашуда оид ба обшавии пиряхҳои кишвар эҳтимол дорад,ки баъд аз соли 2050 дар Тоҷикистон камобӣ шавад.