Обод кардани ҳар гӯшаи диёр қарз аст

Ҳисор, 18.07.2014. (АМИТ «Ховар», Ҳотами Шариф).- Бахшида ба 3 ҳазорсолагии Ҳисор бо қарори раиси ноҳия аз 1 июни соли 2014 то 1 сентябри соли 2015 450 рӯзи маъракаи ободонӣ эълон карда шудааст. Бо мақсади руҳбаланд намудани сокинони кӯчаю маҳаллаҳо, деҳаҳо озмунҳои гуногун аз қабили «Маҳаллаи беҳтарин», «Деҳаи беҳтарин», «Ҷамоати беҳтарин» ва ғайра ба роҳ монда шудаанд, ки натиҷаи он дар ҳар семоҳа ҷамъбаст ва ғолибон бо туҳфаҳо ва ифтихорномаҳои мақомоти иҷроияи ҳокимияти давлатии ноҳия қадрдонӣ карда мешаванд.