Обёрӣ кардани заминҳои корам дар минтақаи Кӯлоб
Кӯлоб, 11.07.2014 (АМИТ “Ховар” Сулаймон Хол).-Дар ноҳияҳои минтаӄаи Кӯлоб як ӄисми заминҳои корам ба воситаи насосҳо обёрӣ мешаванд ва ба ин хотир 28 пойгоҳи обкашӣ фаъолият менамоянд, ки дар онхо 95 агрегати насосҳо мавҷуданд. Ӄисмати зиёди заминҳои обёришаванда дар ноҳияхои Восеъ ва Фархор ҷойгиранд. Соли ҷори пойгоҳҳои обкашии ноҳияҳои Васеъ ва Фархор аз таъмир бароварда шуда, ба мавсими обёри омода буданд ва идораи хочагии об 90 фоизи заҳбуру заҳкашҳоро тоза карда, хочагиҳои деҳӄониро бо об таъмин менамоянд. Бино бар иттилои идораи хочагии оби минтаӄаи Кӯлоб айни замон дар ноҳияҳои Восею Фархор 14 хазору 700 гектар замини корам ба воситаи насосҳо обёрӣ мешавад, ки 7 ҳазору 650 гектари он дар ноҳияи Фархор ва 7 ҳазору 50 гектари дигар дар ноҳияи Восеъ мебошанд. Барои рафъи мушкилоти нарасидани об дар мавсими тобистон дар минтақаи Кӯлоб ҳавзи Муъминобод бо ғунчоиши 25 миллион кубаметр об ва ҳавзи селбур дар ҷамоъати дехоти ба номи Миралӣ Маҳмадалиеви ноҳияи Восеъ бо ғунчоиши 15 милион куб мавҷуданд, ки кишоварзонро бо оби техникӣ таъмин менамоянд. Ҳоло дар ин ҳавзҳо тахминан 30 миллион кубаметр об аст, ки ба гуфти мутахассисони соҳа метавонад то моҳҳои октябр заминҳои корамро таъмин намояд.