Омӯзгори Донишгоҳи тиббӣ дастгир шуд

Душанбе, 16.07.2014.(АМИТ «Ховар», Мавҷуда Анварӣ).-Кормандони Агентии назорати давлатии молиявӣ ва мубориза бо коррупсия омӯзгори Донишгоҳи давлатии тиббии Тоҷикистон ба номи А. Синоро ҳангоми гирифтани пора дастгир намуданд.Халикова Гулчеҳра Пулатовна -ассистенти кафедраи «Физиолигияи нормалӣ»-и донишгоҳи зикргашта аз сокини ноҳияи Зафаробод С.С. Баротова барои ба ДДТТ дохил намудани хешаш К.Р. Исоев ба маблағи 11 ҳазор доллари ИМА талаб намудааст. Аз маблағҳои зикршуда гӯё 2000 доллари ИМА-ро ба «Неъмат» ном корманди Маркази миллии тестӣ ва боз маблағи 9000 доллари ИМА-ро ба шахсе, ки кору ӯро ҳал менамояд, медиҳад. Айни хол баҳри муайян намудани шарикони Г.П. Халикова чораҳои дахлдор андешида шуда, тафтишоти пешакӣ идома дорад.