Омодагӣ ба ҳамоиши байниминтақавӣ дар Маскав

Душанбе, 14.07.2014. (АМИТ «Ховар», Мавҷуда Анварӣ). — Моҳи октябри соли равон дар Маскав Конфронси байниминтақавии ҳамкориҳои Тоҷикистону Русия ва ҳамоиши IV байнипарлумонии «Русия — Тоҷикистон: имконоти ҳамкориҳои байниминтақавӣ» баргузор мегарданд.Сафорати Тоҷикистон дар Русия омодагиро ба гузарондани ин ҳамоишҳо фаъолтар кард. Сафири Ҷумҳурии Тоҷикистон дар Федератсияи Русия Имомиддин Сатторов бо муовини раиси Шӯрои ФР Вячеслав Штиров, муовини вазири рушди минтақаҳои ин кишвар Светлана Иванова ва кормандони масъули дастгоҳи Шӯрои федератсия перомуни омодагӣ ба ин тадбири муҳими муштарак гуфтугӯ кард.