Омодагӣ ба мусобиқаи байналмилалӣ оид ба футбол
Душанбе, 29.07.2014 (АМИТ «Ховар», Пайрави Қосим ).- Рӯзи 25-уми июл дар Душанбе ҷаласаи навбатии кумитаи тадорукот оид ба омодагӣ ба мусобиқаи байналмилалӣ оид ба футбол байни наврасон барои Ҷоми Созмони Ҳамкории Шанхай баргузор шуд.Дар ин ҷаласа Аҳтам Рустам Абдуллозода, раиси Кумитаи ҷавонон, варзиш ва сайёҳии Тоҷикистон, дар бораи рафти иҷрои Нақшаи чорабиниҳои ташкил ва баргузории аввалин мусобиқаи байналмилалӣ оид ба футбол байни наврасон барои Ҷоми Созмони Ҳамкории Шанхай, ки аз 18-ум то 22-юми август дар Душанбе, дар Варзишгоҳи марказии ҷумҳуриявӣ, баргузор мешавад, иттилоъ дод.Р. Абдуллозода иброз дошт, ки ин мусобиқаи байналмилалӣ ба нишасти навбатии сарони кишварҳои узви Созмони Ҳамкории Шанхай, ки моҳи сентябр дар Душанбе доир мегардад ва масъулияти раёсати ҷаласаи навбатии ин созмонро Тоҷикистон бар ӯҳда дорад, бахшида шудааст. Ба мусобиқа дастаҳои мунтахаби наврасони солҳои таваллудашон 1997-1998 аз кишварҳои узви Созмони Ҳамкории Шанхай – Қазоқистон, Чин, Қирғизистон, Русия, Узбакистон — даъват шудаанд. Тоҷикистонро дар ин мусобиқа се даста намояндагӣ мекунад.Зикр гардид, ки Нақшаи чорабиниҳои ташкил ва баргузории мусобиқаи байналмилалӣ барои Ҷоми Созмони Ҳамкории Шанхай барои тасдиқ ба дастгоҳи иҷроияи президенти Ҷумҳурии Тоҷикистон пешниҳод гардидааст. Барои дар сатҳи баланди ташкилӣ баргузор намудани Ҷоми Созмони Ҳамкории Шанхай гурӯҳи корӣ таъсис дода шудааст, ки ба ҳайати он раҳбарону намояндагони Кумитаи ҷавонон, варзиш ва сайёҳии Тоҷикистон, Кумитаи миллии олимпӣ, Федератсияи футболи кишвар ва Ассотсиатсияи хабарнигорони риштаи варзиши ҷумҳурӣ дохиланд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






