Ошкоршавии 835 ҷинояти коррупсионӣ

Душанбе, 30.07.2014. (АМИТ «Ховар», Муқаддас Темурзода).- «Дар давраи нимсолаи сипаригардида аз ҷониби воҳидҳои ҳифзи ҳуқуқи агентии зиддифасод 835 адад ҷинояти коррупсионӣ, иқтисодии коррупсионидошта ва ба андоз алоқаманд ошкор шудааст, ки назар ба ҳамин давраи соли гузашта 66 ҷиноят зиёд мебошад»,- изҳор дошт роҳбари Агентии назорати давлатии молиявӣ ва мубориза бо коррупсияи ҶТ Абдуфаттоҳи Ғоиб.А.Ғоиб ҳамчунин афзуд, ки аз ҳисоби умумӣ 245 — тоаш ҷинояти дуздӣ бо роҳи азонихудкунӣ, исрофкорӣ, 317 — тоаш қаллобӣ, 23-адад ҷинояти суиистифода аз ваколатҳои мансабӣ ва баромадан аз ҳадди ваколатҳои мансабӣ, 66 адад чиноятҳои гирифтан ва додани пора, 10 адад ришвадиҳии тиҷоратӣ ва 23 адад гирифтани мукофот бо роҳи тамаъҷӯӣ мебошанд.Бояд зикр намуд, ки аз шумораи умумии ҷиноятҳои ошкоргардида 245-тои онҳоро ҷиноятҳои вазнин ташкил медиҳад.