Озмуни дӯстдорони санъати сирк
Душанбе, 24.07.2014. (АМИТ «Ховар», Раъно Нусратуллозода).- Дар бинои Сирки давлатии Тоҷикистон барои дӯстдорони санъати сирк аз 22 июл то 24 августи соли равон озмун барои интихоби истеъдодҳои ҷавон баргузор мегардад. Тавре ки аз Вазорати фарҳанги ҷумҳурӣ иттилоъ доданд, дар озмун ҷавонони аз синни 15 то 21 сола иштирок карда метавонанд.Довталабоне, ки аз озмун мегузаранд, барои таҳсил ба шаҳри Маскави Федератсияи Русия фиристода мешаванд.