Озмуни мақолаи беҳтарин бахшида ба Рӯзи Сарқонун

Душанбе, 1.07.2014. (АМИТ «Ховар», Зарангези Латиф).- Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба ифтихори 20-солагии Рўзи Конститутсияи (Сарқонуни) Ҷумҳурии Тоҷикистон силсилаи чорабиниҳоро баргузор менамояд.Аз ҷумла, бо мақсади тақвияти ҳисси ватандўстии ҷавонон, арҷгузорӣ ба таърих ва тамаддуни халқи тоҷик, фароҳам овардани шароит барои таҳкими заминаи маърифати ҳуқуқиву сиёсӣ ва фарҳангии ҷавонон ва дастгирии ҷавонони соҳибистеъдод озмуни ҷумҳуриявии мақола ва шеъри беҳтаринро ба муносибати ҷашни 20-солагии Рўзи Конститутсияи (Сарқонуни) Ҷумҳурии Тоҷикистон баргузор менамояд.Мақола ва шеъри пешниҳод гардида бояд мавзўи Ватанро чун бузургтарин муқаддасот ифода намуда, таъсирбахш бошанд, баҳри баланд бардоштани ҳисси ватандўстии ҷавонон равона гардида, таърихи қабули Сарқонун, мазмуну мўҳтаво ва мақсади асосии онро таҷассум намоянд. Муҳлати қабули маводҳо то 20.08.2014 буда, ғолибон бо тўҳфаҳо қадрдонӣ мегарданд.