Озмуни вилоятии карнайнавозон

Душанбе, 16.07.2014.(АМИТ «Ховар», Мавҷуда Анварӣ).- Ҷиҳати эҳёи ҳунару анъанаҳои миллӣ ва ҳифзи мероси қадимаи халқи тоҷик озмуни вилоятии «Карнайнавозон» бо ташаббуси мақомоти иҷроияи ҳокимияти давлатии вилояти Суғд баргузор шуд.Тибқи иттилои Хадамоти матбуоти раиси вилояти Суғд дар озмун навозандагони ин асбоби мусиқӣ аз шаҳру навоҳии Хуҷанд, Спитамен, Истаравшан, Шаҳристон, Чкалов, Ҷаббор Расулов ва Бобоҷон Ғафуров иштирок намуданд. Озмун аз рӯи навозиши гурӯҳӣ ва якка сурат гирифт, ки дар он 20 даста иштирок намуд.Дар анҷом аз рӯи навозиши гурӯҳӣ карнайнавозони шаҳри Истаравшан ва аз рӯи навозиши якка карнайнавозони ноҳияи Спитамен сазовори ҷои аввал ва тӯҳфаҳои хотиравӣ гардиданд.