Пешгирии 83 ҳодисаи интиқоли маводи нашъаовар

Душанбе, 31.07.2014. (АМИТ «Ховар», Мавҷуда Анварӣ). — Кормандони Агентии назорати маводи нашъаовари назди Президенти ҶТ дар шашмоҳаи аввали соли ҷорӣ 83 ҳодисаи муомилоти ғайриқонунии маводи нашъаоварро пешгирӣ карда, аз муомилоти ғайриқонунӣ зиёда аз 507 кг маводи нашъаоварро мусодира намуданд, ки ин нишондод нисбат ба ҳамин давраи соли гузашта 10% зиёд аст.Кормандони агентӣ дар якҷоягӣ бо мақомоти ҳифзи ҳуқуқи Афғонистон 4 амалиёти муштарак гузарониданд. Аз муомилоти ғайриқонунӣ тахминан 500 кг маводи нашъаовар мусодира гардид.Бо тартиби дар қонунгузорӣ муайяншуда дар оташдони махсуси Агентӣ зиёда аз 336 кг маводи нашъаовар бо роҳи сӯзонидан нобуд карда шуд.