Рӯзномаву маҷаллаҳо ба Мурғоб дер мерасанд
Хоруғ 22.07.2014. (АМИТ «Ховар», Файз Мирасан).- Маъруф Шоҳниёзов сардори корхонаи фаръии воҳиди давлатии «Почтаи тоҷик» дар вилоят зимни мусоҳибаи ихтисосӣ иброз дошт, ки ҷиҳати сари вақт дастрас нашудани рӯзномаву маҷаллаҳои ҷумҳуриявӣ ба ҷамоати Аличури ноҳияи Мурғоб, сардори муассисаи ноҳиявии почта аз вазифа барканор хоҳад шуд. Ин иқдом дар ҳоле сурат гирифтааст, ки ахиран раиси ноҳия бо пешниҳоди худ низ хостори аз вазифа сабукдӯш кардани сардори муассисаи ноҳиявии почта шудааст. Тибқи иттилои сардори корхонаи фаръии воҳиди давлатии «Почтаи-тоҷик» дар вилоят ба далели ворид шудани шикоятҳои пайи ҳам оиди фаъолияти сусти сардори муассисаи ноҳиявии почтаи ноҳияи Мурғоб тасмим аст, ки бо анҷом додани тафтиши фаъолияти ин ниҳод сардори муассисаи номбурда аз вазифа озод карда мешавад. Муросилот ва интиқоли рӯзномаву маҷаллаҳо ҳар моҳа бидуни танаффус аз маркази вилоят ба ноҳияи Мурғоб сари вақт анҷом дода мешавад, аммо бо сабабҳои гуногун маводҳои чопӣ ва номаву барқияҳо сари вақт ба дасти мардум намерасанд.Бар асоси оморҳои расмӣ иҷроиши нақшаи обунашавӣ ба рӯзномаву маҷаллаҳои дохил ва хориҷи кишвар барои нимсолаи дуюми соли ҷорӣ дар ноҳияи Мурғоб нисбати ҳамин давраи соли гузашта 20 фоиз коҳиш ёфтааст. Сари вақт дастрас нагардидани матбуоти даврӣ ба ҷамоати Аличур аз мушкилоти асосии аҳолии ин минтақа дар мавриди дастрасӣ ба иттилоот дониста мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






