Р. Асадулло: «Мо аз кори на ҳамаи кормандонамон қаноатманд ҳастем»
Душанбе, 11.07.2014.(АМИТ «Ховар», Марзия Саидзода).-Алҳол чор нафар кормандони Кумитаи телевизион ва радиои назди Ҳукумати Ҷумҳурии Тоҷикистон дар Русия ва Беларус тавассути стипендияи Президенти Ҷумҳурии Тоҷикистон «Дурахшандагон» дар курсҳои яксола, семоҳа ва думоҳа такмили ихтисос менамоянд. Раҳмон Асадулло-раиси Кумитаи телевизион ва радиои назди Ҳукумати Ҷумҳурии Тоҷикистон зимни нишасти матбуотие, ки фаъолияти ин ниҳодро дар зарфи 6 моҳи соли равон натиҷагирӣ мекард, гуфт, ки чунин курсҳои такмили ихтисосро дар хориҷи кишвар ду нафар коргардонҳои Кумита хатм намуда, ба ҷумҳурӣ баргаштанд. Раҳмон Асадулло афзуд, ки баланд бардоштани сатҳи дониш ва ҷаҳонбинии кормандони Кумитаи телевизион ва радиои назди Ҳукумати ҷумҳурӣ ва зерсохторҳои он пайваста дар мадди назари роҳбарияти Кумита қарор дорад ва мо аз кори на ҳамаи кормандонамон қаноатманд ҳастем. Раиси Кумитаи телевизион ва радиои назди Ҳукумати ҷумҳурӣ таъкид кард, ки ҳамзамон бо мақсади баланд бардоштани касбияти кормандони телевизион ва радио дар назди Кумита Маркази миллии санъатҳои аудиовизуалӣ фаъолият мекунад, ки дар он дарси маҳорати суханварӣ, омӯзиши забонҳои русию англисӣ ба роҳ монда шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






