Расул Файзов ба дастаи “Андиҷон”-и Узбакистон меравад

Июль 16, 2014 11:25

Душанбе, 16.07.2014. (АМИТ «Ховар», Меҳрони Қурбон).-Дирӯз як футболбози дастаи “Вахш”-и Қӯрғонтеппа Расул Файзов, ба клуби “Андиҷон”-и Ӯзбекистон даъват шудааст. Бино ба гуфтаи Тоҳир Муминов, сармураббии дастаи “Вахш”, Файзов рӯзҳои наздик ба Андиҷон хоҳад рафт. Хотиррасон менамоем, ки нимҳимоятгари 22-солаи тоҷик дар марҳилаи аввали чемпионати Тоҷикистон дар ҳайати дастаи “Вахш” 9 бозӣ анҷом додааст. Ёдовар мешавем, ки чанде пештар Сергей Шевченкои украинӣ дубора ба курсии сармураббии дастаи “Андиҷон” нишаст. Ногуфта намонад, ки солҳои 1997-1999 зери раҳбарии Шевченкои 54-сола Тоҳир Муминов дар ҳайати дастаи “Андиҷон” бозӣ кардааст. Бояд зикр кард, ки дар таърихи ин дастаи Ӯзбекистон ҳафт футболбози тоҷик шомил мебошад,аз он ҷумла Тоҳир Муминов, Рустам Забиров, Шуҳрат Шамсиев, Маҳмадалӣ Содиқов, Баҳодур Шарипов, Алексей Негматов ва Фарҳод Тоҳиров дар ҳайати он бозӣ кардаанд. Агар Расул Файзов аз санҷиш гузарад, ҳаштумин бозингар хоҳад шуд.

Июль 16, 2014 11:25

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд