Рухсати вуруди муҳоҷирони хориҷшуда

Душанбе, 25.07.2014. (АМИТ «Ховар», Мавҷуда Анварӣ). — Имомиддин Сатторов, сафири Тоҷикистон дар Федератсияи Русия ва Константин Ромодановский, роҳбари Хадамоти федералии муҳоҷирати Русия, зимни вохӯрӣ дар Маскав масъалаҳои зиёди рӯз ва дурнамои ҳамкориҳо дар бахши муҳоҷиратро баррасӣ карданд. Ҷонибҳо дар масъалаи рухсат додан барои вуруди шаҳрвандони алоҳидаи Тоҷикистон, ки қаблан бо сабаби вайрон намудани қоидаҳои будубош аз қаламрави Русия берун шуда буданд, ба мувофиқа расиданд. К. Ромодановский ба сафир перомуни тағйироти ҷиддии қонунгузории Русия дар бахши муҳоҷират маълумоти муфассал дод.