Рушди корхонаҳои саноатӣ дар ноҳияи Хуросон

Хатлон, 24.07.2014.(АМИТ «Ховар», Меҳрубон Сатторӣ)-Зимни нишасти матбуотӣ раиси ноҳияи Хуросон Убайдулло Абдуллоев иттилоъ дод, ки дар шаш моҳи соли равон нақшаи даромади буҷети ноҳия 102 фоиз иҷро гардид. Аз ҷумла, корхонаҳои хурди саноатӣ дар якҷогӣ бо секторҳои хусусӣ 17 миллиону 407 ҳазору 400 сомонӣ маҳсулот истеҳсол намуданд, ки аз ин миқдор 720 тонна оҳак, 3 427 тонна орд, 292 тонна равған ва 352 тоннаро маҳсулотхои нонӣ ташкил медиҳанд.Дар ноҳияи Хуросон 4 ҳодисаи қонунвайронкунӣ нисбати риоя накардани талаботҳои Қонуни Ҷумҳурии Точикистон «Дар бораи танзими анъана ва ҷашну маросимҳо» ва «Дар бораи озодии виҷдон ва итиҳодияхои динӣ» ба қайд гирифта шудааст, гуфт раиси нохия.