Ш. Зуҳуров: “Ҳушёрии сиёсиро набояд аз даст дод”

Июль 1, 2014 10:54

Душанбе, 01.07.2014.(АМИТ “Ховар”, Марзия Саидзода).-“Танҳо ба шарофати сулҳу оромӣ ва ваҳдати миллӣ мо тавонистем ба рушду нумуъ ва дастовардҳои арзанда ноил гардем”, -гуфт 30 июн дар назди вакилон зимни гузориш оид ба натиҷаҳои иҷлосияи панҷуми палатаи поёнии Парлумони мамлакат Шукурҷон Зуҳуров-раиси Маҷлиси намояндагон. Мавсуф афзуд, ки айни замон аз ҷониби қувваҳои муайян, ҳам дар минтақа ва ҳам дар чандин кишварҳои ҷаҳон нооромиҳову бархӯрдҳои сиёсиву низомӣ роҳандозӣ гардидаанд. Раиси палатаи поёнии Парлумони Тоҷикистон таъкид кард, ки аз руйдодҳои охир маълум мегардад, дар ин даврони барои халқу кишвар сарнавиштсоз ҳанӯз ҳам қувваҳое вуҷуд доранд, ки мехоҳанд оромиву осудагии мардуми моро халалдор намоянд, кишварро дубора ба вартаи нооромиву даргириҳо тела диҳанд. Аз ин рӯ, мардуми Тоҷикистон, тамоми нерӯҳои солимфикри кишвар, ҳизбу ҳаракатҳои сиёсиро зарур аст, ки беш аз ҳарвақта ба хотири нигоҳ доштану таҳкими сулҳу ваҳдати миллӣ, якпорчагии марзу буми Тоҷикистони ягонаву воҳид, бо бедории миллӣ ва ҳушёрии сиёсӣ самимона саъю талош намоянд. Дар ин самт вакилони палатаи поёнии Парлумони Тоҷикистон саҳми муносибу арзанда мегузоранд, -афзуд Ш. Зуҳуров.Раиси Маҷлиси намояндагон ин матлабро дар ҳоле гуфт, ки чор рӯз муқаддам-27 июни соли равон мардуми Тоҷикистон 17-умин солгарди ба имзо расидани Созишномаи умумии истиқрори сулҳ ва ризоияти миллиро, ки бо номи Рӯзи Ваҳдат маъмул аст, ботантана таҷлил намуданд. Мавриди зикр аст, ки бо ба имзо расидани ин санади барои миллати тоҷик сарнавиштсоз дар соли 1997, дар кишвар ҷанги шаҳрвандӣ, ки аз сӯи қувваҳои хориҷӣ таҳмил гардида буд, хотима ёфт.

Июль 1, 2014 10:54

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд