Сохтмонҳои ҷашнӣ бо суръат идома дорад

Ҳисор, 16.07.2014.(АМИТ «Ховар», Ҳотами Шариф).- Кулли сохтмонҳои ҷашнӣ бахшида ба 3000 солагии Ҳисор тибқи нақша давом дошта, дар 81 иншоот корҳои сохтмонӣ босифат ва босуръат идома дорад, иброз дошт раиси ноҳияи Ҳисор Усмон Сабзов зимни нишасти хабарӣ ба хабарнигорон.Раиси ноҳия дар бораи натиҷаҳои рушди иқтисодӣ иҷтимоии ноҳия, корҳои омодагӣ ба ҷашнҳои таърихӣ маълумоти муфассал дода, гуфт, ки дар шаш моҳи соли равон кишоварзон ба комёбиҳои баланд ноил гаштанд,аз ҷумла кишоварзон бозорҳои Ҳисор ва 4 бозори шаҳри Душанберо бо маҳсулотҳои нисбатан арзони картошка, помидор, пиёз ва меваҷот таъмин менамоянд. Ҳамчунин расонидани шири аълосифати чорво ба сокинони пойтахт аз ҷониби чорводорони ноҳия ба 23 тонна дар як шабонарӯз расид. Раиси ноҳия аз дастгириҳои ҳамаҷонибаи Сарвари Давлат Эмомалӣ Раҳмон аз мардуми ватандӯсту сарбаланди Ҳисор изҳори сипос кард, ки дар рушду ободии ноҳия саҳми бузург доранд.