Сохтмони биноҳои нав дар Турсунзода

Душанбе, 09.07.2014. (АМИТ «Ховар», Ҳотами Шариф).-Алҳол дар шаҳри Турсунзода сохтмони 4 бинои баландошёнаи истиқоматӣ бомуваффақият идома дорад. Ҳамчунин нахустин бор дар шаҳри Турсунзода сохтмони роҳи зеризаминӣ оғоз ёфт, ки барои бехатарии ҳаракати мошинҳо ва равуои шаҳрвандон мусоидат мекунад. Инчунин сохтмони муассисаи таҳсилоти умумии рақами 18, боғчаи бачагонаи замонавӣ, терминали мусофирбар дар арафаи ҷашни истиқлолияти давлатии Ҷумҳурии Тоҷикистон мавриди истифода қарор хоҳад гирифт.Тибқи нақша дар ҳудуди шаҳри Турсунзода сохтмони як корхонаи бузурги коркарди нафт низ оғоз хоҳад шуд.