Сокини Дарвоз ҳашишро ба куҷо мебурд?

Душанбе, 4.07.2014. (АМИТ «Ховар», Мавҷуда Анварӣ). — Дар наздикии деҳаи Зинги ноҳияи Дарвоз мошини тамғаи ВАЗ-2108, таҳти идораи сокини ноҳия аз ҷониби кормандони раёсати Агентии назорати маводи нашъаовар дар ВМКБ боздошт гардид. Дар натиҷаи кофтукови дохили мошин аз пеши нишастгоҳи мусофир як қуттии картонӣ, ки дар дохили он маводи нашъаовари навъи ҳашиш бо вазни 5 кг мавҷуд буд, дарёфт гардид. Аз рӯи ин ҳодиса парвандаи ҷиноӣ оғоз гардида, тафтишот давом дорад.