Суғд: 120 ҳазор сомонӣ барои таъмири роҳ

Душанбе, 4.07.2014. (АМИТ «Ховар», Мавҷуда Анварӣ). — Чун дигар шаҳру навоҳии вилояти Суғд мумфаршкунӣ ва таъмиру навсозии роҳҳои маҳаллӣ дар маркази вилоят — шаҳри Хуҷанд низ босуръат ҷараён дорад.Аз Хадамоти матбуоти раиси вилояти Суғд хабар доданд, ки санаи 2 июл дар кӯчаи ба номи Муҳиддин Аминзодаи шаҳр мумфаршкунии роҳи наздик ба 1 километр оғоз ёфтааст.Роҳи кӯчаи мазкур таи 20 соли охир таъмирталаб буд. Барои анҷоми корҳои навсозӣ 120 ҳазор сомонӣ масраф хоҳад шуд, ки ин маблағ қисман аз ҷониби сокинон ва боқимонда аз буҷаи мақомоти иҷроияи ҳокимияти давлатии шаҳри Хуҷанд пардохт мешавад.