Суғд: 2468 нафар тавассути низоми тестӣ имтиҳон супориданд

Душанбе, 2.07.2014. (АМИТ «Ховар», Зарангези Латиф).-Дирӯз бори нахуст имтиҳони қабул ба мактабҳои олӣ тавассути низоми марказонидашудаи тестӣ доир гардид.Ба иттилои Раёсати маорифи вилояти Суғд, дар марказҳои имтиҳонии марказонидашуда 2468 нафар довталаби унвони донишҷӯ аз кластери 1, қисми «А» имтиҳон супориданд.Бояд гуфт, ки ба ин қисм 4 фанни таълимӣ — забони тоҷикӣ (давлатӣ), риёзиёт, таърихи халқи тоҷик, асосҳои давлат ва ҳуқуқ дохиланд.Теъдоди умумии довталабони ба қайд гирифта шуда дар вилоят бештар аз 13 ҳазору 100 нафар, аз ҷумла ба ихтисосҳои кластери якум 2754 нафар буданд.Имтиҳоноти марказонидашудаи дохилшавӣ дар 8 маркази имтиҳонии марказонидашудаи шаҳрҳои Хуҷанд, Истаравшан, Панҷакент ва ноҳияи Бобоҷон Ғафуров дар як вақт баргузор гардид.