Суғд: 790 миллион сомонӣ андоз ҷамъоварӣ шуд
Душанбе, 9.07.2014. (АМИТ «Ховар», Мавҷуда Анварӣ). — Дар нишасти хабарӣ оид ба натиҷаҳои вазъи иҷтимоию иқтисодии вилояти Суғд дар моҳҳои январ-июни соли 2014 зикр гардид, ки нақшаи даромади буҷети давлатӣ бо баҳисобгирии андозҳои иҷтимоии ғайрибуҷетӣ 104,8 фоиз иҷро гардида, наздик ба 790 миллион сомонӣ андоз ҷамъоварӣ карда шуд. Аз 18 шаҳру ноҳияи вилоят фақат шаҳри Конибодом ва ноҳияи Зафаробод иҷроиши нақшаи қисми даромади андози давлатиро таъмин карда натавонистанд.Маблағи ҳақиқии қисми даромади буҷети нимсолаи аввали соли ҷорӣ назар ба нишондиҳандаи ҳамин давраи соли 2013 137,0 миллион сомонӣ зиёд мебошад.Дар нишаст ҳамчунин таъкид шуд, ки дар шаш моҳи соли ҷорӣ истеҳсоли маҳсулот дар соҳаи саноат назар ба 1 июли соли 2013 ҳамагӣ 124 фоиз ва дар моҳи июн бошад, 1,6 маротиба афзоиш ёфта, дар маҷмӯъ ба ҳаҷми 1,6 миллиард сомонӣ маҳсулот истеҳсол карда шуд.