Суғд: Сайди моҳӣ ба 48 тонна расид

Душанбе, 26.07.2014. (АМИТ «Ховар», Мавҷуда Анварӣ). — Ҳаҷми маҳсулоти моҳипарварӣ дар моҳҳои январ-июни соли 2014 -ум 933 ҳазор сомониро ташкил кардааст, ки нисбат ба ҳамин давраи соли 2013 -ум 11,3 фоиз зиёд шудааст.Тавре аз Сарраёсати Агентии омори назди Президенти Ҷумҳурии Тоҷикистон дар вилояти Суғд хабар доданд, дар моҳҳои январ-июни соли 2014 дар хоҷагиҳои моҳипарварии вилоят сайди моҳӣ 47,8 тоннаро ташкил намуд.Дар ҳаҷми умумии истеҳсоли моҳӣ намуди моҳии пешонағафси сафед 4 фоиз, намуди зағорамоҳӣ 11,7 фоиз, гулмоҳӣ 2,1 фоиз, амури сафед 3 фоиз, намуди суфмоҳӣ (судак) 6,3 фоиз ва 72,9 фоизро дигар намуди моҳиҳо, аз ҷумла ҷумҷумамоҳӣ, аспакмоҳӣ ва шамшермоҳӣ ташкил мекунанд.