Сухтор дар Калифорнияи Амрико
Душанбе, 5.07.2014 (АМИТ «Ховар»).-Ҳафтаи равон дар водии Напаи штати Калифорнияи Иёлоти Муттаҳидаи Амрико сўхтори ҷангалзор ба амал омад. Ин ҳолат қариб ба 4 ҳазор манзили истиқоматӣ ва иншооти дигар хатар пеш овардааст. Барои фурў нишондани сўхтор дар водии Напа беш аз ҳазор нафар кормандони Хадамоти оташнишонӣ бо истифода аз чархболҳо ва техникаи дигар ба таври шабонарўзӣ фаъолият доранд. Гуфта мешавад, ки вазиши шамоли сахт масоҳати сўхторро лаҳза ба лаҳза васеъ карда, ба фаъолияти кормандони Хадамоти оташнишонӣ мушкилӣ пеш овардааст.
Фавти 45-нафар дар Ироқ
Душанбе, 5.07.2014 (АМИТ «Ховар»).-Дирӯз дар Ироқ дар натиҷаи бархўрди сохторҳои қудратӣ ва аъзои як қабила 45 кас ба ҳалокат расида, чанд каси дигар захми гаштанд.Гуфта мешавад, ки задухўрди ҷонибҳо замоне ба вуқўъ пайваст, ки низомиёни амниятӣ кўшиши дастгир намудани рўҳонии ин қабила Али Соқи ал-Ҳасаниро доштанд. Номбурдаро дар банд намудани роҳҳои автомобилгард, муҳосира кардани дидбонгоҳҳои назоратӣ ва зери назорати хеш қарор додани маъбади Имом Ҳусайн дар ин нооромиҳо муттаҳам медонанд.
Фуруравии пул дар Ню-Йорк
Душанбе, 5.07.2014 (АМИТ «Ховар»).- Мувофиқи иттилои шабакаи интернетии «Би-Би-Си» ҳафтаи равон дар шаҳри Ню-Йорки ИМА як қисми болоии пули Бурклин дар роҳи пиёдагард, фуру рафт. Бар асари ин ҳодиса 5-нафар ҷароҳат бардошта, дар беморхона бистарӣ шуданд. Сабабҳои фурў рафтани пул то ҳол муайян карда нашудааст. Кормандони хадамоти ҳолатҳои фавқулодда дар ҷойи ҳодиса фаъолият доранд.
Ҳодисаи табии дар Россия
Душанбе, 5.07.2014 (АМИТ «Ховар»).-Дирӯз дар вилояти Твери Федератсияи Россия тундбод ва боришоти шадиди жола ба қайд гирифта шуд. Аз боридани зиёди борон ва жола боиси обхези ва канда шудани хатҳои интиқоли барқ гардид. Гуфта мешавад, ки Вобаста ба ҳаҷман калон будани жола болопуши бисёр хонаҳои истиқоматию маъмурӣ ва иншооти дигар қисман хароб гардиданд. Сокинони баъзе маҳалҳо аз истифодаи нерўи барқ маҳрум монданд. Мувофиқи иттилои шоҳидон дар баъзе маҳаллаҳо ҳаҷми жола қариб баробари тухми мурғ буд.
Тарҷумаи Иброҳими Ҳабибуллоҳ








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






