Табрикоти А. Абдуллозода ба хабарнигорони риштаи варзиш

Душанбе, 2.07.2014. (АМИТ “Ховар»).- Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Абдуллозода Аҳтам Рустам хабарнигорони риштаи варзиши кишварро бахшида ба рӯзи касбияшон шодбош гуфта, барои ҳамкориҳои судманд ҷиҳати тарғибу ташвиқ ва инъикоси фаъолияти кумита дар бахши варзиш аз онҳо ибрози минатдорӣ намуд. «Кумита пайваста бо намояндагони расонаҳои хабарии кишвар робитаашро ҳамоҳанг сохта, барои ҳамкорӣ бо онҳо ҳавасманд аст. Боварӣ дорем, ки аҳли қалам минбаъд низ баҳри тарғиби тарбияи ҷисмонӣ, варзиш ва тарзи ҳаёти солим ва расонидани иттилоот аз навгониҳои варзиши кишвар ва ҷаҳон ба аҳолӣ гомҳои устувор мениҳанд», — омадааст дар табрикот.