Таъминоти об дар чор навоҳӣ ҳалли худро меёбад

Июль 30, 2014 16:09

Душанбе, 30.07.2014. (АМИТ «Ховар», Мавҷуда Анварӣ). — Масъалаи оғози марҳилаи аввали лоиҳаи миллии Идоракунии захираҳои обӣ дар Тоҷикистон мавриди муҳокимаи раиси вилояти Суғд Абдураҳмон Қодирӣ бо роҳбари лоиҳаи мазкур Мариан Шиманович ва ҳайати ҳамроҳонаш қарор гирифт.Роҳбари вилоят таъкид намуд, ки дар шароити имрӯзаи минтақа, ки раванди ислоҳоти замин ва ташкили хоҷагиҳои деҳқонии оилавию инфиродӣ идома дорад, таъминот бо оби полезӣ хеле муҳим аст. Зеро, дар аксари навоҳии кишоварзӣ хоҷагидорон ба оби полезӣ ба таври кифоягӣ дастрасӣ надоранд ва ин муамморо худи онҳо дар алоҳидагӣ бартараф карда наметавонанд.Мариан Шиманович изҳори умед кард, ки ҳамкории тарафайн дар самти амалисозии лоиҳаи мазкур манфиатнок хоҳад шуд. Лоиҳаи минтақавии идоракунии захираҳои обӣ дар доираи стратегияи швейтсарӣ оид ба ҳамкорӣ имкон медиҳад, ки вазъи таъминоти об бо истифодаи роҳу усулҳои муосиру самаранок дар минтақа беҳтар гардад. Марҳилаи аввали татбиқи лоиҳа, дар ҳамкорӣ бо ташкилоти «Хелветас Свисс Интеркооперейшн» — и Шветсария, Оҷонсии ҳамкории техникӣ ва Оҷонсии олмонӣ оид ба ҳамкориҳои байналмилалӣ роҳандозӣ хоҳад шуд ва доираи фаъолияташ ҳавзаҳои дарёи Сир, аз ҷумла ҳавзаи Оқсу ва ҳавзаи Хоҷабокирғонро дар бар хоҳад гирифт. Ба низомдарории захираҳои обӣ дар ин ҳавзаҳо ва автоматикунонии онҳо имкон медиҳад, ки таъминоти об дар чор навоҳӣ — Бобоҷон Ғафуров, Спитамен, Ҷаббор Расулов ва Ғончӣ то андозае ҳалли худро ёбад.Дар рафти мулоқот ҳамчунин доираи ҳамкориҳо бо Лоиҳаи инкишофи бозори маҳаллӣ ва парваришу содироти маҳсулоти органикӣ ва биомаҳсулот дар самти пахтакорӣ, зардолупарварӣ ва дигар меваю сабзавот дар вилоят мавриди гуфтугӯ қарор дода шуданд, ки дар ин самт аз ҷониби лоиҳаи номбурда корҳои таҷрибавӣ ба роҳ монда шудаанд.Пас аз омӯзиши вазъи ҳавзаи Сирдарё ва ба мувофиқа омадани ҷонибҳо дар масъалаи ҳамкорӣ, татбиқи лоиҳаи идоракунии захираҳои обӣ дар вилоят шурӯъ мешавад.Дар ин бора аз Хадамоти матбуоти раиси вилояти Суғд иттилоъ доданд.

Июль 30, 2014 16:09

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд