Таъсиси маркази нави қолинбофӣ дар Хуҷанд
Душанбе, 3.07.2014. (АМИТ «Ховар», Мавҷуда Анварӣ). — Дар Колеҷи касбию ҳунарии № 56-и шаҳри Хуҷанд маркази омӯзиши қолинбофӣ таъсис ёфт.Тавре аз ин омӯзишгоҳ хабар доданд, ҳоло дар яке аз синфхонаҳои ин таълимгоҳ 14 нафар духтарони маҳаллӣ бо кумаки 6 нафар устод касби қолинбофиро меомӯзанд.Таълимгирандагон давоми се моҳ дар дастгоҳҳои махсуси омӯзишӣ нозукиҳои касби қолинбофиро аз худ намуда, баъдан имкон доранд фаъолияти худро дар дастгоҳҳои касбии ин марказ идома диҳанд.Гуфта мешавад, ки бо мақсади фаъолияти самараноки таълим мақомоти иҷроияи ҳокимияти давлатии шаҳри Хуҷанд 4 дастгоҳи қолинбофӣ ва 10 дастгоҳи омӯзишии ин касбро харидорӣ намуда, ба ин таълимгоҳ додааст.