Таваҷҷуҳ ба бунёди мактабҳои нав дар Суғд

Душанбе, 2.07.2014. (АМИТ «Ховар», Лайло Тоирӣ).- 1 июл дар ноҳияи Бобоҷон Ғафуров бо иштироки раиси вилоят Абдураҳмон Қодирӣ ба фаъолияти бинои нави мактаби таҳсилоти миёнаи умумии рақами 75 — и ҷамоати деҳоти Чашмасор ҳусни ифтитоҳ бахшида шуд.Бино ба иттилои хадамоти матбуоти раиси вилояти Сугд, сохтмони бинои мазкур соли гузашта оғоз ёфта, он бо мабалғгузории мақомоти иҷроияи ҳокимияти давлатии вилоят қомат афрохтааст. Мактаб барои 240 нафар хонанда пешбинӣ шуда, толибилмон метавонанд дар утоқҳои барҳавову замонавӣ таҳсили илм намоянд.Бинои мазкур бо харҷи 2 миллион сомонӣ маблағҳои буҷаи вилоят сохта, он бо тамоми лавозимоти хониш муҷаҳҳаз гардонида шудааст.