“Телефони боварӣ” фаъол аст

Душанбе, 4.07.2014. (АМИТ «Ховар», Лайло Тоирӣ).- Телефони боварии Бонки миллии Тоҷикистон кори худро идома дода, доимо фаъол мебошад. Бино ба маълумотҳои мавҷудаи Бонки миллии Тоҷикистон, дар моҳи июн аз тарафи шаҳрвандон ба “Телефони боварӣ” 22 шикоят ва дархост дар бораи кор накардан ва пули нақд надоштани банкоматҳои бонкҳои тиҷоратӣ ворид гардид. Дар натиҷаи ҳамкорӣ бо масъулони бонкҳо нисбати шикоят ва дархостҳои муштариён чораҳо андешида шуда, мушкилоти ҷойдошта сари вақт ҳалли худро ёфтанд.